Mamlaka ya Maji Safi na Usafi wa Mazingira Mbeya (MBEYAUWSA) imefuta madeni ya wateja wa kata ya Mwasenkwa waliokuwa wakitumia mradi wa maji wa kijiji na kushindwa kulipa ankara kwa muda mrefu.
Uamuzi huo umetangazwa wakati wa uzinduzi wa mradi mpya wa kisima kirefu chenye uwezo wa kuzalisha lita 720,000 za maji kwa siku, utakaohudumia wakazi zaidi ya 2,800. Mradi huu unaleta huduma ya maji kwa masaa 24.
Spika wa Bunge na Mbunge wa Mbeya Mjini, Dkt. Tulia Ackson, alizindua mradi huo na kuhimiza wananchi kupanda miti rafiki kwa vyanzo vya maji ili kukabiliana na mahitaji yanayoongezeka.
