Taasisi ya Tulia Trust chini ya Mkurugenzi Wake ambaye ni Rais wa Umoja wa Mabunge Duniani(IPU), Spika wa Bunge la Jamhuri ya Muungano wa Tanzania na Mbunge wa Mbeya Mjini Mhe. Dkt. Tulia Ackson imefanya Ufunguzi wa Mashindano ya Mapishi kwa Mama na Baba Lishe Mbeya Mjini.
Mashindano hayo ya Mapishi yanajulikana kwa Jina la Tulia Cooking Festival yanatarajiwa Kufanyika kwa Muda wa Siku Tano (5) hadi siku ya Jumamosi Agosti 31, 2024 katika Viwanja vya Ruanda Nzovwe Mbeya mjini yakishirikisha Washiriki Elfu Moja (1,000) yakiwa na kauli mbiu isemayo *Tumia Nishati Mbadala Kuondoa Uchafuzi wa Mazingira.*
Tulia Trust imekuwa ikifanya Matamasha Mbalimbali kwaajili ya kuwapa fursa mbalimbali watanzania ikiwa ni Pamoja na kuwainua kiuchumi, Ikumbukwe Kuwa Kwenye Tamasha la Ngoma za Asili za Tulia Traditional Dance Festival huwa kunakuwa na Mashindano ya Mapishi ya Vyakula vya Asili na Mwaka huu Litafanyika tarehe 26-28 Mwezi wa Tisa 2024 Uwanja wa Ndege wa Zamani Jijini Mbeya.
