KANISA LA MORAVIAN TANZANIA LATOA TUZO MAALUM KWA YONA SONELO BAADA YA KUTUNUKIWA SHAHADA YA HESHIMA AUSTRALIA
Kanisa la Moravian Tanzania (KMT) limetoa tuzo maalum kwa muumini wake na mfanyabiashara maarufu nchini, Yona Sonelo, kufuatia kutunukiwa Shahada ya Heshima na Chuo Kikuu cha Australia kutokana na mchango wake mkubwa kwa jamii.
Hafla ya kukabidhi tuzo hiyo imefanyika mkoani Tabora, ambapo viongozi wa kanisa, waumini pamoja na wadau mbalimbali walihudhuria kushuhudia tukio hilo muhimu.
Akizungumza katika hafla hiyo, viongozi wa Kanisa la Moravian Tanzania wamesema kuwa Sonelo amekuwa mfano wa kuigwa kwa kuunganisha imani na vitendo kupitia shughuli zake za kibiashara na kijamii, ikiwemo kusaidia makundi yenye uhitaji na kuchangia maendeleo ya jamii.
Kwa upande wake, Yona Sonelo amelishukuru kanisa kwa kutambua juhudi zake, akisema mafanikio aliyoyapata ni matokeo ya imani, ushirikiano na msaada kutoka kwa familia, kanisa na jamii kwa ujumla.
Tuzo hiyo ni ishara ya kuthamini mchango wake endelevu katika maendeleo ya kijamii na kiuchumi, huku ikiwahamasisha waumini na Watanzania kwa ujumla kuendelea kufanya kazi kwa bidii na uadilifu.
