Author: Mbeya Yetu

Mwenyekiti wa Chama Cha Mapinduzi (COSEA SINKALA, MBEYA.CM) Wilaya ya Mbeya vijijini Akimu Sebastian Mwalupindi amemtaka Mbunge wa jimbo la Mbeya vijijini Mhe. Oran Njeza kuendelea kufanya kazi kwa bidii na weledi kwa maslahi ya wananchi badala ya kusikia maneno ya watu juu ya watu wanaojipitisha jimboni kutaka ubunge mwakani 2025 kitendo anachosema ni kinyume na taratibu za CCM. Mwalupindi amesema hayo wakati akizungumza kwenye mkutano wa Halmashauri kuu ya Chama Cha Mapinduzi Wilaya ya Mbeya vijijini uliofanyika katika mji mdogo wa Mbalizi wilayani Mbeya. Amesema wanaojipitisha kabla ya muda watashughulikiwa kwani kuna vyombo husika vinavyoona kwakuwa Chama Cha Mapinduzi…

Balozi wa Marekani nchini Tanzania Mhe Dkt Michael Battle akitoa hotuba yake kwa Kiswahili jana jioni katika hafla ya kuadhimisha siku ya Uhuru wa Marekani maarufu kama Julai 4, katika makazi yake Oysterbay jijini Dar es salaam.

Julai 4 ndio siku kuu ya nchini Marekani, ikiadhimisha kupitishwa kwa Tamko la Uhuru mnamo Julai 4, 1776 na Rais Thomas Jefferson, alipottangaza kupatikana kwa uhuru wa koloni kumi na tatu za Marekani kutoka utawala wa Uingereza.

Umuhimu wa Julai 4 kwa Wamarekani unatokana na sababu kadhaa kuu. Katika siku hii, Kongresi yao ilipitisha rasmi Tamko la Uhuru, ambalo lilielezea matamanio ya koloni kuunda taifa tofauti lililo huru kutoka utawala wa Uingereza.

Tamko hilo la Uhuru lilikuwa alama ya uhuru kamili na demokrasia. Liliainisha misingi ya msingi ya uhuru, usawa, na kutafuta furaha, ambayo ina maana kubwa kwa maadili ya Marekani.

Kupitishwa kwa Tamko kuliweka msingi wa Vita vya Mapinduzi, hatimaye kupelekea kuanzishwa kwa Marekani kama taifa huru. Ushindi katika vita na mkataba wa amani uliofuata na Uingereza ulithibitisha Julai 4 kama tarehe muhimu katika historia ya Marekani.

Kwa Wamarekaniu, kuadhimisha siku ya Uhuru Julai 4 kumekuwa jadi ya muda mrefu, ikitia nguvu umoja wa kitaifa na uzalendo.

Siku hiyo huadhimishwa na sherehe mbalimbali, ikiwemo fataki, gwaride, matamasha, na mikusanyiko ya familia, ambayo huleta watu pamoja kusherehekea urithi wao wa pamoja.

Ingawa tarehe nyingine, kama vile kusainiwa kwa Katiba au kumalizika kwa Vita vya Mapinduzi, pia ni muhimu, Julai 4 ina umuhimu wa kipekee wakati ambapo koloni za Marekani zilichukua msimamo thabiti kwa uhuru wao. Siku hii tangu hapo imekuwa sikukuu ya kitaifa inayoheshimu misingi ya nchi na roho ya kudumu ya watu wake.

Na Mwandishi Wet MKESHA mkubwa wa kuvuka nusu mwaka Kufanyika Dodoma Juni 5 ndani ya Ukumbi wa Jakaya Conversion Center Mkesha huo unaenda kwa jina la ACROSS THE YEAR umeandaliwa na Mtumishi wa Mungu Emanuel Shemdoe chini ya huduma ya LOVE OF CHRIST na waombaji wa kila mwezi Jijini Dodoma. “Huu ni mkesha mkubwa unao hudhuriwa na watu wa dini zote bila kubagua” Alisema mwalimu Shemdoe Waimbaji mbalimbali watahudumu katika mkesha huo. Waimbaji hao ni pamoja na Waimbaji – KKKT Arusha Road Praise team, Cathedral Worship team, Essence of Worship,Agape Gospel Band, Pamoja na John Lisu, Sax tulivu…

Taasisi ya Tulia Trust chini ya Mkurugenzi Wake ambaye ni Rais wa Umoja wa Mabunge Duniani(IPU), Spika wa Bunge la Jamhuri ya Muungano wa Tanzania na Mbunge wa Mbeya Mjini Mhe. Dkt. Tulia Ackson imetoa Miche 1120 ya Parachichi kwa Wananchi wa Kata Kumi na Tatu (13) Mbeya Mjini.

Miche hiyo ya Parachichi imetolewa bure kwa lengo la kuhamasisha Wananchi utunzaji wa Mazingira kwa kupanda Miti Yenye faida zaidi ya Moja ili kujiongezea kipato kupitia zao la Parachichi.

Kata zilizo nufaika ni Pamoja na Iganjo, Iduda, Igawilo, Nsalaga, Itezi, Isyesye, Ilomba, Mwakibete, Tembela, Mwasanga, Iyela, Sinde na Iganzo ikiwa ni awamu ya Tatu baada ya awamu ya Kwanza kutoa Miche zaidi ya 1000, zoezi hili ni endelevu na litazifikia kata zote za Mbeya Mjini.

Mkuu wa Mkoa wa Mbeya Cde: Juma Z. Homera amemuagiza Kamanda wa Jeshi la Polisi Mkoa wa Mbeya SACP Benjamini Kuzaga kumsaka na kumkamata Kijana anayepatikana Ntokela Halmashauri ya Wilaya ya Rungwe Mkoani Mbeya Kwa Kosa la Kumkashifu Rais wa Jamhuri ya Muungano wa Tanzania kwa Maneno Makali na Kisha kuichoma moto Picha inayomuonyesha Mh:Rais.

RC Homera amelaani vikali Kitendo hicho kuwa si Cha Maadili Wala Uungwana na Kiko tofauti na Utamaduni halisi wa Wananchi Mkoani Mbeya.

Hata hivyo ametoa Masaa 24 kwa Kamanda Kuzaga Kumkamata Kijana huyo ili alisaidie Jeshi la Polisi juu ya tuhuma hizo na Mashambulizi hayo ambayo kayaelekeza Moja kwa Moja kwa Mh: Rais Dkt: Samia Suluhu Hassan.

Mwisho RC Homera amewasihi Wananchi Mkoani Mbeya kutojiingiza kwenye Vitendo viovu kwa Kukashifu Viongozi Makusudi badala yake wajikite katika Utafutaji na Uchapa Kazi kwa Manufaa ya Familia zao na Tanzania kwa Ujumla.