Browsing: Video Mpya

#mbeyayetutv

SONGWE WAZINDUA KAMPENI YA CHANJO YA SURUA

Katibu Tawala wa Mkoa wa Songwe, Happiness Seneda amezindua kampeni maalumu ya utoaji chanjo ya surua mkoani humo.

Uzinduzi huo umefanyika katika Hospitali ya Wilaya ya Mbozi iliyopo mjini Vwawa ambapo Seneda ametoa wito kwa azazi na walezi Mkoani Songwe kujitokeza kuwapeleka watoto kupata chanjo hiyo ya sindano dhidi ya ugonjwa wa Surua katika kampeni hiyo ambayo imeanza leo Februari 15 hadi Februari 18, 2024.

Seneda amesema mkoa unakusudia kuchanja watoto 199776 katika halmashauri zote tano za mkoa wa Songwe na kuwa lengo la kampeni hiyo ni kuimarisha kinga dhidi ya ugonjwa huo baada ya kuanza kujitokeza tena baadhi ya maeneo katika mwaka uliopita.

Mganga Mkuu wa Mkoa, Boniface Kasululu amesema kampeni hii itahusisha wataamu wa afya kwasababu ni chanjo ya sindano pia italenga maeneo maalumu ya kutolea huduma ikiwemo kwenye vituo vya kutolea huduma za afya, makanisani, misikitini pia haitazuia shughuli zingine za uzalishaji.

Kwa upande wake Mkuu wa Wilaya ya Mbozi, Esther Mahawe amewapongeza wananchi waliyojitokeza katika siku ya kwanza ya utoaji wa chanjo ambapo amewataka wawe mabalozi wa kuwahamasisha wengine.

*MH:FESTO SANGA AWALILIA WATUMISHI NCHINI, RIBA ZA MABENKI ZINAWAUMIZA*

Mbunge wa Makete Mh:Festo Sanga amepaza leo tar 14:02:2024 akichangia hoja ya Kamati ya Bajeti amepaza kilio chake kwa serikali namna mabenki nchini yanavyoumiza watumishi kwenye riba za mikopo.
Sanga amesema ” Uhai wa benki zetu nchini zinabebwa na Watumishi,lakini kiwango cha riba wanachotozwa wanapokopa ni kikubwa sanaa kinyume na uhalisia, riba hizo zimegeuka mwiba mchungu kwa watumishi wetu wazalendo hapa nchini, Benki hizi zinapata riba ndogo wanapokopa Benki Kuu, lakini wao wanatoza riba kwa watumishi bila kujali mchango wao kwenye uhai wa hizo benki,”

Anaendelea “Bank nyingi zinapata faida kwa “Horizontal gain” hawahanagiki kwenda kutafuta wateja wengine ambao waangesaidia kuongeza mzunguko wa fedha kwenye mabenki na kuwapunguzia mzigo watumishi, kila jicho la benki linaangalia namna ya kupata faida kwa mtumishi aidha kwa makato au kwa riba kwenye mikopo, kwanini hawajawekeza kwenye Rural banking? Watanzania wengi wanafedha huko vijijini lakini hawana elimu ya benki”.

Mwisho ameshauri “Gavana kupitia Benki kuu kupitia upya mchakato wa mabanki yanavyopanga riba, vilevile waziri wa fedha aunde kikosi kazi kufuatilia microfinance zinazotoza riba kinyume na utaratibu”.