Rais wa Mabunge Duniani Spika wa Bunge la Jamhuri ya Muungano wa Tanzania ambaye pia ni Mbunge wa Mbeya Mjini Dkt Tulia Ackson ametokeza kujiandikisha katika daftari la wapiga kura Mtaa wa Uzunguni A kwa ajili ya uchaguzi wa Serikali za Mitaa utakaofanyika novemba 27 mwaka huu.
Dkt Tulia Ackson amempongeza Rais wa Jamhuri ya Muungano wa Tanzania Dkt Samia Suluhu Hassan kwa ajili ya kutoa hamasa kubwa watu kujiandikisha ambapo mpaka sasa uandikishaji umefikia asilimia 83.
Amewataka wananchi ambao hawajajiandikisha watumie muda uliobaki kujiandikisha katika Mitaa yao.
