Ujenzi wa nyumba ya Katibu wa UWT Mkoa wa Mbeya itakayogharimu zaidi ya shilingi milioni sabini unaenda kwa kasi.
Nyumba hiyo inajengwa kwa hisani ya Taasisi ya Maryprisca Women Empowerment Foundation (MWEF) inayoongozwa na Mbunge wa Viti Maalumu Mkoa wa Mbeya Mheshimiwa Mhandisi Maryprisca Mahundi ambaye pia ni Naibu Waziri wa Habari Mawasiliano na Teknolojia ya Habari.
Mwenyekiti wa UWT Mkoa wa Mbeya Edina Mwaigomole pamoja na Lucia Sule Katibu wa UWT Mkoa wa Mbeya wamewaongoza Wenyeviti na Makatibu wa UWT Mkoa kutembelea na kuona maendeleo ya ujenzi huo ambapo wamepongeza juhudi zinazofanywa na Mbunge wa Viti Maalumu Mkoa wa Mheshimiwa Mhandisi Maryprisca Mahundi.
Nyumba hiyo iliyonza kujengwa wiki moja iliyopita inatarajiwa kumalizika mwezi disemba mwaka huu ikiwa ni utekelezaji wa agizo la Mwenyekiti wa UWT Taifa Mary Chatanda la kuzitaka Wilaya na Mikoa yote nchini kujenga nyumba za Makatibu.
