VYOMBO VYA HABARI NGUZO MUHIMU UBORESHAJI WA DAFTARI LA WAPIGA KURA

*****

Na. Mwandishi Wetu, Dar es Salaam

Tume Huru ya Taifa ya Uchaguzi (INEC)
imewaasa wahariri wa vyombo vya habari kuwahabarisha na kuwaelimisha wananchi
juu ya umuhimu wa kujiandikisha na kuboresha taarifa zao kwenye Daftari la
Kudumu la Wapiga Kura.

Akizungumza wakati wa kufungua mkutano
wa Tume na wahariri wa vyombo vya habari jijini Dar es Salaam leo tarehe 12
Juni, 2024, Mwenyekiti wa Tume Huru ya Taifa ya Uchaguzi, Mhe. Jaji (Rufaa) Jacobs
Mwambegele amesisitiza juu ya umuhimu wa vyombo vya habari na nafasi yao katika
kuhakikisha kwamba wananchi wanapata taarifa sahihi na kwa wakati.

Mkutano huo ambao ni mwendelezo wa
mfululizo wa vikao vya wadau vilivyoanza tarehe 07 Juni, 2024 ulikuwa na lengo
la kuwapa wadau hao wa uchaguzi taarifa mbalimbali za maandalizi kwa ajili ya
kuanza rasmi kwa zoezi la uboreshaji wa Daftari.

“Tume inatarajia kupata ushirikiano
mkubwa zaidi kutoka kwenu, kwa kuwafikishia wananchi taarifa sahihi na kwa
wakati zinazohusu zoezi lililopo mbele yetu la uboreshaji wa Daftari la Kudumu
la Wapiga Kura na kuwahamasisha wananchi wenye sifa ya kujiandikisha kuwa
wapiga kura, wajitokeze kwa wingi kwa tarehe ambazo Tume imeziweka kwa kila
kituo,” amesema Jaji Mwambegele.

Amewashukuru wahariri hao kwa kuwa kwa
nyakati tofauti wamekuwa wakitoa fursa kwa Tume kutumia vipindi vya redio na
televisheni kutoa elimu ya mpiga kura ikiwa ni pamoja na kutoa fursa ya
kuchapisha habari na makala kwenye magazeti za kutoa elimu na kufafanua hoja
mbalimbali zinazotolewa na wadau wa uchaguzi.

Kwa upande wake Mkurugenzi wa Uchaguzi
wa Tume, Bw. Kailima, R. K ameviasa vyombo vya habari kuelimisha wananchi
kuzingatia sheria, kanuni, miongozo, taratibu na maelekezo yanayohusu uboreshaji
wa Daftari la Kudumu la Wapiga Kura badala ya kulalamika.

“Kupitia vyombo vya habari tuwashauri wote watakaodhani
kuna changamoto kutumia njia zilizopo kwenye sheria, kanuni, miongozo, taratibu
na maelekezo yanayohusu uboreshaji wa Daftari la Kudumu la Wapiga Kura badala
ya kuanza kulalamika,” amesema.

Sehemu ya Wahariri wa
Vyombo vya Habari wakifuatilia mada wakati wa mkutano wa Tumen a wahariri hao
kuhusu Uboreshaji wa Daftari la Kudumu la Mpiga Kura uliofanyika leo tarehe 12 Juni, 2024 mkoani
Dar es Salaam.

Wajumbe wa Tume wakiwa katika mkutano huo.

Mwenyekiti
wa Tume Huru ya Taifa ya Uchaguzi, Mhe. Jaji (Rufaa) Jacobs Mwambegele,
akizungumza wakati wa ufunguzi wa mkutano wa Tume na wahariri wa vyombo vya
Habari kuhusu maandalizi ya Uboreshaji
wa Daftari la Kudumu la Mpiga Kura
uliofanyika leo tarehe 12 Juni, 2024 mkoani Dar es Salaam. Kulia ni Mjumbe wa Tume, Mhe. Jaji Asina Omari na Katikati ni Makamu Mwenyekiti
wa Tume, Mhe. Jaji wa Rufaa (Mstaafu) Mbarouk Salim Mbarouk.

Picha za pamoja baina ya meza kuu na washiriki wa Mkutano huo.

Video Mpya

SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWANENO KWA LUGHA YA KISWAHILI

By Mbeya YetuNovember 9, 20240

Mufti na Sheikh Mkuu wa Tanzania, Dkt. Abubakary Zubeiry bin Ally, amempongeza Dkt. Shehnaz Shaikh kwa kazi yake ya kujitolea katika kuandaa tafsiri ya Qur’an neno-kwa-neno kwa lugha ya Kiswahili.

Katika mkutano uliofanyika leo ofisini kwake Kinondoni, Dar es Salaam, mara baada ya swala ya Ijumaa, Dkt. Abubakary aliutambua mradi huo kama rasilimali nzuri kwa Waislamu wanaozungumza Kiswahili, na kwamba utawasaidia kuelewa Qur’an kwa undani wa kipekee.

Dkt. Shaikh, mzaliwa wa Gujarat, India, na kwa sasa akiishi Dallas, Marekani, aliandamana na Mwenyekiti wa Jumuiya ya Wanawake wa Kiislamu, Bi Shamim Khan, na Alhaj Albert Marwa, ambaye aliratibu ziara yake.

Dkt. Abubakary alitoa shukrani zake kwa kujitolea kwa Dkt. Shaikh, akibainisha kwamba ingawa wengi wanaweza kuelewa maana pana ya Qur’an, ni wachache wanaoweza kuifahamu kwa kina neno kwa neno.

Uelewa huu, alieleza, huleta muunganiko wa kiroho na uwazi zaidi wa mafundisho ya Qur’an, jambo ambalo tafsiri yake inaleta ufahamu mkubwaa zaidi kwa wasomaji wa Kiswahili.

Dkt. Abubakary alisisitiza umuhimu wa lugha sahihi katika kutafsiri Qur’an, akisema kuwa Kiswahili kinahitaji umakini mkubwa wakati wa kufikisha maandiko ya Kiarabu.

Alionyesha imani kwamba wasomi wa Chuo Kikuu cha Kiislamu cha Morogoro (MUM), ambao watasaidia kukamilisha tafsiri hiyo, wana ujuzi wa kutosha kwa kazi hii nyeti.

Mufti pia alielezea umuhimu wa tafsiri hii ya neno kwa neno katika dunia ya sasa inayounganishwa zaidi, kwani Waislamu wengi, hasa vijana na wale wanaoishi katika maeneo yasiyozungumza Kiarabu, hukutana na changamoto ya kufikia lugha asilia ya Kiarabu ya Qur’an.

Alisema ingawa tafsiri za jumla huleta uelewa wa kawaida, mara nyingi hukosa muundo na maana halisi ya Qur’an. Hivyo Tafsiri ya Dkt. Shaikh, kwa kutoa ufafanuzi sahihi wa neno kwa neno, inakuwa ni zana muhimu ya kujifunza na kutafakari, ikiwaruhusu wasio na ujuzi wa Kiarabu cha zamani kuelewa kwa undani Maandiko Matakatifu.

Dkt. Abubakary alimshukuru Alhaj Marwa kwa kuratibu ziara ya Dkt. Shaikh na kumsifu kwa kujitolea kwake kuendeleza elimu ya Kiislamu. Alielezea mradi wa tafsiri ya Dkt. Shaikh kama mfano bora wa wajibu wa kusambaza ujumbe wa Mwenyezi Mungu.

Kwa upande wake, Dkt. Shaikh alieleza shukrani zake kwa Mufti kwa kubariki mradi huo. Akihitimisha ziara yake ya siku tano, alishiriki kuwa tafsiri yake imekubaliwa na kutumiwa katika nchi kadhaa duniani.

Amesema mradi huo haubadilishi hata nukta moja ya Qur’anbali kila neno katika Kitabu hicho Kitukufu kinatafsiriwa neno kwa neno kama lilivyo na kulitafsiri kwa Kiswahili.

Tangu mwaka 2010, Dkt. Shaikh ametoa matoleo matatu ya tafsiri ya Qur’an kwa Kiingereza na Kiurdu, pamoja na vitabu vya watoto, vinavyopatikana kwenye Amazon. Pia hutoa rasilimali za bure mtandaoni, ikiwemo mihadhara ya YouTube na PDF zinazoweza kupakuliwa.

Akiwa katika chuo cha MUM Morogoro, Dkt. Shaikh alishuhudia kuundwa kwa timu ya wahadhiri kumi ambao wataendeleza mradi wake, wakiwezeshwa kwa zana za teknolojia na maelekezo.

Juhudi hii mpya inafuata kazi yake ya miaka kumi ya kutafsiri, ambayo sasa inasimama kama rasilimali muhimu kwa Waislamu wanaozungumza Kiingereza na Kiurdu duniani kote.

What's Hot

SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWANENO KWA LUGHA YA KISWAHILI

MUFTI NA SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWA-NENO KWA LUGHA YA KISWAHILI

Tanzania Yapongeza Uongozi Mahiri wa Spika Dkt. Tulia Ackson Katika Umoja wa Mabunge Duniani

VYOMBO VYA HABARI NGUZO MUHIMU UBORESHAJI WA DAFTARI LA WAPIGA KURA

MUFTI NA SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWA-NENO KWA LUGHA YA KISWAHILI

JK KATIKA VIKAO VYA TAASISI YA MASUALA YA ELIMU DUNIANI (GPE) JIJINI TORONTO, CANADA

INEC YAWANOA Ma-OCD KUHUSU SHERIA ZA UCHAGUZI

Leave A Reply Cancel Reply

MWALIMU WA KIKE NA MWANAFUNZI WAUAWA KIWANJA CHUNYA.

KUMI WAKAMATWA WAKITOROSHA KILO 9.5 ZA DHAHABU

PROFESA MALEBO:HAKUNA KABILA LENYE HAKI ZAIDI YA LINGINE

UNESCO Tanzania yataka vijana kuchangamkia fursa za ufadhili wa masomo nje ya nchi -Kaimu Katibu Mtendaji Mkuu Fatuma

SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWANENO KWA LUGHA YA KISWAHILI

MUFTI NA SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWA-NENO KWA LUGHA YA KISWAHILI

Tanzania Yapongeza Uongozi Mahiri wa Spika Dkt. Tulia Ackson Katika Umoja wa Mabunge Duniani

MH. ENG MARYPRISCA “UCHUMI WA KIDIJITALI TUMEFANIKIWA KUWEKA MINARA 758 NCHI NZIMA KUBORESHA USIKIVU

Our Picks

SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWANENO KWA LUGHA YA KISWAHILI

MUFTI NA SHEIK MKUU WA TANZANIA APONGEZA MRADI WA KUTAFSIRI QUR’AN TUKUFU NENO-KWA-NENO KWA LUGHA YA KISWAHILI

Tanzania Yapongeza Uongozi Mahiri wa Spika Dkt. Tulia Ackson Katika Umoja wa Mabunge Duniani

Most Popular

MWALIMU WA KIKE NA MWANAFUNZI WAUAWA KIWANJA CHUNYA.

KUMI WAKAMATWA WAKITOROSHA KILO 9.5 ZA DHAHABU

PROFESA MALEBO:HAKUNA KABILA LENYE HAKI ZAIDI YA LINGINE

Subscribe to Updates

What's Hot

VYOMBO VYA HABARI NGUZO MUHIMU UBORESHAJI WA DAFTARI LA WAPIGA KURA

Related Posts

Leave A Reply Cancel Reply