Kutana na Mgosi kutokea Tanga, kijana ambaye alikuwa akijulikana kama mtu mwenye bidii na moyo wa kutokata tamaa. Tangu akiwa mdogo alikua akivutiwa na kazi za ufukweni—haswa biashara ya samaki. Alikulia kwenye familia iliyojishughulisha na uvuvi kwa vizazi kadhaa, hivyo haikuwa ajabu kwamba nae alichagua kuendeleza urithi huo.
Alipoanza biashara yake mwenyewe, aliamini mambo yangekwenda vizuri. Alikuwa na mtaji wa kutosha, wateja wa mwanzo waliomwamini, na marafiki waliomtia moyo. Lakini miaka ilianza kusonga, na kadri siku zilivyozidi kupita, aligundua kuwa faida aliyokuwa akiitamani haikuwa ikipatikana. Mara moja aliweza kupata mauzo mazuri, lakini wiki inayofuata mambo yalikuwa mabaya zaidi. Badala ya kuendelea mbele, biashara yake ilionekana kusimama mahali pamoja.
Mgosi alikata tamaa mara nyingi. Alijikuta akifanya kazi usiku na mchana—kushuka majini, kununua samaki sokoni, kuuza kwa jumla, kusambaza kwa wateja—lakini mwishoni mwa mwezi alikagua hesabu zake na kugundua kuwa hakupata chochote cha maana. Mwaka wa pili ulipoanza, alianza kuamini labda hana bahati katika biashara, au huenda alikuwa anafanya makosa ambayo hayakuwahi kumgusa akili yake.
Kulikuwa na wakati alifikiria kuacha biashara kabisa. Aliona vijana wenzake wakipiga hatua, wakipanua miradi yao, ilhali yeye aliendelea kuzunguka mduara ule ule. Changamoto zilimfanya awe mkimya, akajitenga na marafiki na hata kupunguza kuongea na familia yake kwa sababu hakutaka yeyote ajue jinsi alivyokuwa akihangaika. Soma zaidi hapa
