Author: Mbeya Yetu

1. Muhtasari wa Habari (Gaza chanjo/Ukame Kusini mwa AFrika/Ukosefu wa Utaifa)
2/ Mada kwa kina – FAO Tanzania na kilimo shuleni kuboresha lishe.
3. MAshinani ni Zimbabwe na mwanamke wa kijijini kusongesha kilimo hai.

#mbeyayetutv

#mbeyayetutv

Naibu Waziri wa Habari, Mawasiliano na Teknolojia ya Habari ambaye pia ni Mbunge wa viti maalumu wa Mkoa wa Mbeya Mhe. Mhandisi Maryprisca Mahundi (Mb) leo tarehe 14 Oktoba, 2024 amejiandikisha kwenye Daftari la Mpiga kura kwa ajili ya uchaguzi wa Serikali za Mitaa utakaofanyika Novemba 27, 2024.

Akizungumza na wananchi wa mtaa wa Mayombol uliopo Kata ya Iwambi, mkoani Mbeya Naibu Waziri Mahundi ametoa wito kwa wananchi hao kujitokeza na kushiriki katika zoezi la kujiandikisha ili waweze kumchagua kiongozi bora atakayewezesha shughuli mbalimbali za maendeleo ya maeneo yao.

MRADI WA REGROW KUCHOCHEA UCHUMI WA WANANCHI WANAOPAKANA NA HIFADHI KUSINI MWA TANZANIA
Wananchi wa vijiji vinavyozunguka hifadhi ya Ruaha, Mikumi, Udzungwa na Nyererevinanufaika na Mradi wa REGROW unaotekelezwa nchinikupitia mkopo wa masharti nafuu kutoka Benki ya Dunia.
Hayo yamesemwa Jijini Mbeya na Bi. Blanka Aquilinus Tengia Naibu Msimamizi wa Mradi wa REGROW unaofadhiliwa na Benki ya Dunia na kutekelezwa na Wizara ya Maliasili na Utalii kwa kushirikiana na TANAPA, Taasisi ya Utafiti wa Wanyamapori (TAWIRI), Bodi ya Utalii Tanzania (TTB), Wakala wa Huduma za Misitu (TFS), Tume ya Taifa ya Umwagiliaji (NIRC) na Bodi ya Bonge la Maji Rufiji (RBWB).Lengo la mradi ni kuboresha usimamizi wa maliasili sanjari na kukuza utalii Kusini mwa Tanzania.
Blanka Tengia amesema mradi ulianza mwaka 2017 baada ya tafiti mbalimbali kufanyika na ni wa thamani ya Dola za marekani milioni 150 sawa na takribani shilingi za kitanzania bilioni 345.
Aidha, moja ya shughuli zinazotekelezwa ni kuboresha miundombinu ya barabara, viwanja vya ndege na majengo ndani ya hifadhi nne za kipaumbele. na miundombinu ya maji kwa ajili ya kilimo cha umwagiliaji.
Mbali ya kuboresha miundombinu Mradi wa REGROW unachochea ukuaji wa wa wananchi kiuchumi hususani wanaoishi nyirani na hifadhi zilizotajwakwa kusaidia uanzishwaji wa miradimiradi mbalimbali ya kujikwamua kiuchumi, ufadhili wa masomo kwa vijana, vikundi kupewa mtaji wa kukopeshana kwa riba nafuu na kuiwezesha jamii kukabiliana na wanyamapori wakali na waharibifu. Pia mradi unatekeleza shughuli za utunzaji wa vyanzo vya maji kwenye eneo la juu la Hifadhi ya Taifa Ruaha ambavyo ni vyanzo vya maji kwa mto Ruaha Mkuu.
Katika hatua nyingine Blanka amesihi wananchi wanaoishi pembezeno mwa hifadhi kuzipenda na kuzitunza hifadhi hizo na kufanya Utalii wa ndani ili kuunga mkono juhudi za Rais Dkt Samia Suluhu Hassan za kukuza Utalii kupitia filamu ya The Royal Tour.

HOSPITALI YA RUFAA YA KANDA MBEYA YAENDELEA KUWA KITUO CHA MFANO KATIKA USIMAMIZI WA UBORA WA HUDUMA ZA AFYA NCHINI

Katika jitihada za kuendelea kuboresha huduma chini ya Wizara ya afya nchini, Hospitali ya Rufaa ya Kanda Mbeya imeendelea kuwa miongoni mwa vituo vya mfano katika umahiri wa usimamizi wa utoaji wa huduma za afya kwa wananchi kupitia mpango maalumu wa usimamizi wa utoaji wa huduma bora katika maeneo ya kazi ujulikanao kama (5S – KAIZEN).

Akiongea baada ya kupokea ujumbe wa wataalam kutoka Wizara ya Afya ulioambatana na Viongozi kutoka nchi mbalimbali waliofika hospitalini hapa, Mkurugenzi Mtendaji wa Hospitali ya Rufaa ya Kanda Mbeya Dkt. Godlove Mbwanji amesema lengo kubwa la ugeni huo ni kujifunza na kujionea mpango maalum wa usimamizi wa utoaji wa huduma bora za afya ujulikanao kama (5S – KAIZEN) unatekelezwa na kusimamiwa na kitengo cha Ubora Hospitalini hapa.

“…tumepokea wageni kutoka Wizara ya Afya ya nchi ya Zimbabwe waliokuja hospitalini hapa kujifunza masuala yote yanayohusiana na ubora wa huduma na namna ya kuboresha mambo mbalimbali katika Hospitali.” – Dkt. Godlove Mbwanji

Aidha Dkt. Mbwanji amesema kama hospitali ya Rufaa ya Kanda Mbeya wamejipanga kuendelea kuboresha huduma kupitia mpango huo, na kutoa wito kwa nchi mbalimbali kuendelea kutembelea hospitalini hapa kujifunza hasa masuala ya utoaji wa huduma bora za afya kwa wananchi kupitia mpango huo wa (5S – KAIZEN)

“…tumejipanga kuhakikisha tunaboresha utoaji wa huduma na tunatoa wito kwa nchi mbalimbali kuendelea kuja kujifunza masuala ya ubora na huduma kwa ujumla.” – Dkt. Godlove Mbwanji

Kwa upande wake mratibu ubora wa huduma kutoka Wizara ya Afya nchini Dkt. Anjelina Sijaona amesema kupitia mpango huo maalumu wa usimamizi wa utoaji wa huduma bora chini ya mradi wa “JAICA” nchini wamepewa nafasi ya kuwa kituo cha mfano wa kutoa mafunzo ya jinsi ya kutumia falsafa ya matumizi ya mpango maalumu wa kuboresha huduma wa “5s – KAIZEN”

“…tumepewa nafasi ya kuwa nchi ya kuonyesha umahili wa jinsi ya kutumia falsafa ya “5S – KAIZEN” katika kuboresha huduma kwa kipindi cha miaka miwili kuanzia mwaka huu na kufanikiwa kupokea zaidi ya mataifa 7 kwaajili ya kujifunza.” – Dkt. Anjelina Sijaona

Dkt. Musiwarwo Chilume ni Mkurugenzi wa uhakiki ubora na usalama wa mteja Wizara ya Afya Zimbabwe amesema, wao kama ujumbe wa wataalamu wa afya kutoka Zimbabwe wamejifunza mambo mengi ikiwemo mifumo na falsafa ya usimamizi wa utaoji wa huduma bora za afya kitu ambacho kimepelekea uwepo wa usimamizi mzuri wa majukumu na uongozi bora ndani ya hospitali hii.

“… tumefurahi kwa kipindi tulichukuwepo hapa kwa kuwa tumejifunza mambo mengi chini ya utelekelezaji wa mpango huu wa “5s KAIZEN” hospitalini hapa uliopelekea uboreshaji wa utoaji wa huduma bora kwa wananchi.” – Dkt. Musiwarwo Chilume

SENETI MKOA WA WA MBEYA WAMUOMBA MWENYEKIT KUWASIMAMIA MIKOPO INAYOTOLEWA NA JIJI.
Hayo ameyasema katibu wa seneti wa chama cha mapinduzi walipokuwa wamekutana viongozi wa chama cha mapinduzi jumuhiya ya vijana vyuo na vyuo vikuu na kumuomba mwenyekiti wa Ccm koa kuwasaidia suala hilo