Author: Mbeya Yetu

Jeshi la Polisi Mkoa wa Mbeya likiongozwa na Kamanda wa Polisi Mkoani humo limefanya mazoezi ya “Show Force” kuzunguka maeneo mbalimbali ya Mkoa wa Mbeya ikiwa ni sehemu ya doria za kuimarisha ulinzi na usalama.

Spika wa Bunge la Jamhuri ya Muungano wa Tanzania na Rais wa Umoja wa Mabunge Duniani (IPU), Mhe. Dkt. Tulia Ackson, amesema kuwa upo umuhimu wa mataifa mbalimbali duniani kuboresha na kubadilisha mifumo ya kiutawala na ugawaji bora wa rasilimali ili kuwezesha utekelezaji wa Agenda ya 2030 ya Maendeleo endelevu kwa ufanisi zaidi. Dkt. Tulia ameyasema hayo wakati akichangia kwenye Mkutano Mkuu wa 79 wa Umoja wa Mataifa (UNGA79) uliofanyika New York nchini Marekani leo tarehe 22 Septemba, 2024. Katika mchango wake amesisitiza kuwa juhudi za kusaidia nchi zinazoendelea kukuza uchumi zinapaswa kuongozwa na mikakati ya kimkakati, hususan katika kugawanya…

Mjumbe wa Tume Huru ya Taifa ya Uchaguzi, Mhe. Dkt Zakia Mohamed Abubakar leo ametembelea mafunzo ya Waandishi Wasaidizi na Waendesha Vifaa vya Bayometriki  watakao husika na zoezi la Uboreshaji wa Daftari la Kudumu la Wapiga Kura katika Halmashauri ya Singida Vijijini  mkoani Singida na kuzungumza nao wakati wa mafunzo yao ya siku mbili yaliyoanza leo  Septemba 22 na kumalizika kesho Septemba 23, 2022.   Akizungumza na Waandishi hao Wasaidizi na Waendesha Vifaa vya Bayometriki  Dkt Zakia aliwataka kuzingatia mafunzo wanayopewa, dhamana waliyopewa ya kuendesha zoezi la uboreshaji wa Daftari la Kudumu la Wapiga Kura kwa weledi. Mafunzo hayo ni…

Askofu Ludovick Minde, Askofu wa Jimbo Katoliki Moshi, ateta na walemavu: Katika siku maalum ya Ibada na hafla fupi iliyoandaliwa kwa ajili ya kusali na walemavu kutoka Vikarieti nne za Jimbo, Rombo, Vunjo, Moshi na Hai hapo jana. Askofu Minde katika mahubiri yake alisema zipo aina mbili za ulemavu na Ulemavu unaoonekana na usioonekana. Hivyo walemavu wasijione kuwa wao ni tofauti na watu wengine. Watu wote ni sana. Ameeleza kuwa Ulemavu wao kama wanavyoonekana; sio jambo litakalowanya wajione tofauti na watu wengine. Ni lazima wajiongeze kwa kutokomeza dhana ya utegemezi kwani wakiwezeshwa wanaweza kufanya shughuli za maendeleo katika familia zao.…

Askofu Robert Pangani wa Kanisa la Moravian Tanzania Jimbo la Kusini Magharibi amewataka Waumini na Watanzania kwa ujumla kuiombea Serikali ya Jamhuri ya Muungano wa Tanzania ili kuendelea kudumisha amani nchini. Askofu Robert Pangani ametoa wito huo katika ibada maalumu ya mbaraka kwa Mashemasi kumi na sita na Makasisi watatu ibada iliyofanyika Kanisa la Moravian Tanzania Jimbo la Kusini Magharibi Ushirika wa Nzovwe kiongozi wa ibada akiwa nia makamu Mwenyekiti wa Jimbo Mchungaji Asulumenie Dickson Eva Mwahalende. Amesema hafurahishwi na vitendo vya utekaji na mauaji ya watu yanayoendelea nchini hivyo ameziomba Mamlaka husika kuwabainisha watu hao kuendelea kudumisha amani nchini…

Kaimu Mkurugenzi wa Huduma za Tiba kutoka wizara ya Afya Dkt. Hamad Nyembea ametoa wito kwa Waganga Wafawidhi wa Hospitali za rufaa za mikoa Tanzania Bara kwenda kuongeza Ubunifu wa kuanzisha huduma mpya za Kibingwa katika hospitali zao ili wananchi wapate huduma bora za Afya Dkt Nyembea ametoa wito huo leo tarehe 20 Septemba, 2024 jijini Mbeya katika kuhitimisha kikao kazi cha Waganga Wafawidhi, Wauguzi Wafawidhi, Makatibu wa Hospitali na Waratibu wa Ubora wa Huduma(QI) wa Hospitali za Rufaa za Mikoa ya Tanzania bara.”Niwaelekeze Kupitia kikao hiki kahakikisheni mnakwenda kuboresha huduma kwa kuanzisha angalau huduma mpya za kubingwa nane katika…

Mbunge wa Mbeya vijijini Mhe. Oran Njeza, ameendelea na ziara yake kwa mara nyingine baada ya kumalizika kwa vikao vya bunge akikutana na wananchi katika vijiji na kata mbalimbali ili kusikiliza kero zinazowakabili kwa ajili ya kuzitafutia ufumbuzi na kukagua miradi mbalimbali ya kimaendeleo.

Mbunge Njeza ameendelea na ziara yake katika vijiji kadhaa vya kata za Iyunga Mapinduzi na Igale.

Akiwa katika kata ya Iyunga Mapinduzi amesikiliza kero za wananchi ambao kwa nyakati tofauti wameshukuru kwa namna miradi inayoendelea kutekelezwa ikiwemo usambazaji huduma ya umeme vijijini, usambazaji huduma ya maji na uboreshaji miundombinu ya elimu licha ya baadhi ya changamoto kuendelea kuwakabili.

Wananchi hao wameeleza kukabiliwa na kadhia ya bei kubwa ya huduma za afya hasa huduma ya upasuaji kwa akina mama.

“Sisi hapa tunamuomba mama yetu ni mwanamke kama sisi tunasikia anamwaga hela kwa Simba na Yanga basi atupunguzie bei za upasuaji na sisi huku maana hata mimi napenda Simba na Yanga”, ameeleza mwananchi wa kata ya Iyunga Mapinduzi Mwile Mboko.

Naye Rashid Fungambili mkazi wa kijiji cha Shuwa katani humo ameomba Serikali kupeleka daktari katika kijiji chao ambacho kina zahanati na kata ina kituo cha afya tarajiwa.

Mbunge Oran Njeza wa Mbeya vijijini, amepokea kero hizo kwa ajili ya kuziwasilisha kwa wataalam kuzitafutia ufumbuzi mara moja ambapo kuhusu huduma za afya kwa ujumla amewashauri wananchi wake kujiunga na bima ya afya kwa wote ili kupata matibabu hata wasipokuwa na fedha.

Amesema Serikali imedhamiria kuboresha huduma za afya ikiwemo kujenga na kuboresha vituo vya afya kuwa vya kimkakati na kwenye kata hiyo amesema kituo cha afya cha kimkakati kitajengwa ili kuhudumia kata za Iyunga Mapinduzi, Isuto na Itawa.

Kero nyingine ni pamoja na barabara hasa kuelekea msimu wa mvua ambapo Mbunge huyo amewaondoa hofu wananchi kwa kumuinua afisa kutoka wakala wa barabara Tanzania TANROADS mkoa wa Mbeya ambaye amesema barabara ya Mbalizi Shigamba (Km 52) inaanza kujengwa Oktoba 2024.

Kuhusu barabara ya Iyunga Mapinduzi kwenda Shisonta afisa kutoka wakala wa barabara za mjini na vijijini TARURA Mhandisi Mollel ameipokea na kuahidi TARURA kuiingiza kwenye bajeti ya mwaka ujao wa fedha (2025-2026) ili ijengwe kwa kiwango bora.

“Mheshimiwa Mbunge kuhusu barabara hii ya Iyunga Mapinduzi Shisonta naomba nichukue, tutaiingiza kwenye bajeti ya 2025-2026”, ameeleza Mhandisi Mollel.

Pamoja na hayo Mbunge wa jimbo la Mbeya vijijini Mhe. Oran Manasse Njeza, ameendelea kuhimiza wananchi kuchangia chakula kwa ajili ya watoto wao shuleni ambapo katika kila shule aliyopita amechangia shilingi laki mbili ili kuwaunga mkono wananchi hao.

Mbunge wa Mbeya vijijini Mhe. Oran Njeza, ameendelea na ziara yake kwa mara nyingine baada ya kumalizika kwa vikao vya bunge akikutana na wananchi katika vijiji na kata mbalimbali ili kusikiliza kero zinazowakabili kwa ajili ya kuzitafutia ufumbuzi na kukagua miradi mbalimbali ya kimaendeleo. Mbunge Njeza ameendelea na ziara yake katika vijiji kadhaa vya kata za Iyunga Mapinduzi na Igale. Akiwa katika kata ya Iyunga Mapinduzi amesikiliza kero za wananchi ambao kwa nyakati tofauti wameshukuru kwa namna miradi inayoendelea kutekelezwa ikiwemo usambazaji huduma ya umeme vijijini, usambazaji huduma ya maji na uboreshaji miundombinu ya elimu licha ya baadhi ya changamoto…