Author: Mbeya Yetu

Mkuu wa Mkoa wa Mbeya Cde Juma Z. Homera amefika Mlima Kawetele uliopolomoka Alfajiri ya Leo na Kusababisha Kufukiwa kwa Nyumba 20, Ng’ombe Wanne na Kuharibika kwa Miundombinu ya Shule ya Mary’s katika Mtaa wa Gombe Kata ya Itezi Halmashauri ya Jiji la Mbeya.

Akizungumza baada Kuwasili eneo la Tukio RC Homera amekanusha Uvumi unaozagaa Mtandaoni ukidai Kuna Maafa katika tukio hilo ambapo amesema zaidi ya hivyo vilivyotajwa Aya ya Kwanza hakuna Madhara mengine Wala Maafa kama inavyoripotiwa na Baadhi ya Watu.

Aidha Homera ameiagiza Halmashauri ya Jiji la Mbeya kufanya Tathimini juu ya Waathirika hasa wale wasio na Malazi ya Kulala wahakikishe wanapatiwa Sehemu hizo wakati huu ambao Serikali inaendelea kupambana kuhakikisha Hali inakuwa Sawa katika Maeneo hayo.

Pia amekiagiza Kitengo Cha Ardhi Halmashauri ya Jiji la Mbeya kuacha kuwapimia Wananchi Viwanja eneo lenye Changamoto hasa ya Mkondo wa Maji kwa kufanya Kwao hivyo kutasababisha Matatizo kama hayo ambayo yangeweza kuzuilika.

Tukio hilo limetokea Alfajiri ya Kuamkia Leo ambapo chanzo Chake ni Mvua zinazoendelea Kunyesha Mfululizo na Matukio yanayofanana na haya yamekuwa yakitukia Mikoa Mbalimbali ikiwemo Mikoa ya Arusha na Lindi.

Wananchi wa kata ya Nzovwe na Mabatini jijini Mbeya wameiomba serikali kuwalipa fidia ya kuwasimamisha uendelezaji wa makazi yao na shughuli nyingine za kiuchumi kwa zaidi ya miaka kumi na mbili baada ya mabadiliko ya sheria ya hifadhi za barabara ya kuongeza mita saba mbele kutoka mita 22.5 za awali.

Wananchi wamepaza kilio hicho kwa serikali na kuiomba kuwalipa fidia baada ya kuwakataza kuendeleza makazi yao kwa ajiri ya hifadhi ya barabara ambapo wamedai walifanyiwa tathimini ya nyumba zao toka mwaka 2012 na kwa sasa hawana matumaini ya kulipwa kutokana na mabadiliko yaliyojitokeza.

Timu ya viongozi wa Chama cha Mapinduzi wakiongozwa na Mwenyekiti wa Chama hicho Patrick Mwalunenge kwa kushrikiana na ofisi ya Meneja wa TANROADs mkoa wa Mbeya wamefika eneo lenye mgogoro ili kujionea hali halisi na maelekezo ya chama kwa wananchi.

Timu ya Mamlaka ya Maji Safi na Usafi wa Mazingira Mbeya ikiongozwa na Mkurugenzi wa Mamlaka ya Maji Safi na Usafi wa Mazingira Mbeya CPA Gilbert Kayange inapambana usiku na mchana kurejesha huduma ya maji katika maeneo ya Nzovwe,lyunga,Viwandani,lnyala,lkuti,Iwambi,TAZARA,Kalone,Itende na Sistila baada ya miundombinu ya mabomba katika chanzo cha Haji Halewa Kata ya Swaya kusombwa na maji machi 6,2024.Akitoa taarifa eneo la chanzo Mkurugenzi Mtendaji wa Mamlaka ya Maji Safi na Usafi wa Mazingira Mbeya CPA Gilbert Kayange amewatoa hofu wananchi kutokana na juhudi kubwa zinazofanywa na Mamlaka yake. Awali Kayange amesema wamefanikiwa kurejesha huduma chanzo cha lyela baada ya…

KATIBU Tawala Msaidizi wa Idara ya Uwekezaji, Viwanda na Biashara Mkoa wa Mbeya Bi. Anna Mwambene amewaasa wafanyabiashara wa Mkoa huo na Watanzania kwa ujumla kutumia Baraza la Ushindani (FCT) katika kutatua changamoto za kibiashara zinazotolewa maamuzi na Mamlaka za Udhibiti au Tume ya Ushindani zilizoanishwa katika Sheria ya Ushindani, 2003 kustawisha ushindani wa haki na kumlinda mlaji katika Soko.   Bi. Mwambene ameyasema hayo alipokuwa akifungua Semina ya elimu kwa Wadau Baraza la Ushindani (FCT) iliyofanyika hivi karibuni jijini Mbeya.Akiwa anatoa mafunzo hayo Mkuu wa Idara ya Uchumi katika Baraza hilo Bw. Kulwa Msogoti alieleza kuwa Baraza la Ushindani…

Rais wa Jamhuri ya Muungano wa Tanzania, Dkt. Samia Suluhu Hassan, amewasili Mkoani Arusha ambapo anatarajiwa kuwe Mgeni Rasmi, katika Misa maalum ya Kumbukumbu ya miaka 40 ya Kifo cha aliyekuwa Waziri Mkuu wa Jamhuri ya Muungano wa Tanzania, Hayati Edward Moringe Sokoine.Katika Uwanja wa Ndege wa Kimataifa wa Kilimanjaro (KIA) Rais Dkt Samia Suluhu Hassan, amepokelewa na Viongozi mbalimbali, wakiongozwa na Mkuu wa Mkoa wa Kilimanjaro Mhe. Nurdin Babu, na Mkuu wa Mkoa wa Arusha Mhe. Paul Makonda.

Mgogoro wa uwanja wa Kanisa la Gofan na Jiji umechukua sura mpya baada ya Kanisa hilo kugoma kwenda mahakamani kama walivyoshauriwa na Mbunge wa Mbeya Mjini Dkt Tulia Ackson Kanisa likidai mgogoro ulikwisha.
Kikao cha mwisho kilichofanyika hivi karibuni ambacho kilihudhuriwa na Dkt Tulia Ackson na kuzisikiliza pande zote ambapo alilishauri Kanisa kwenda mahakamani ili Kanisa liweze kupata haki yake.
Siku chache baada ya ushauri huo Mchungaji John Ikowelo na waumini wake wamejitokeza kufanya usafi eneo linalogombaniwa ambapo Mchungaji amesema yeye hawezi kuishitaki serikali kwani serikali imemfanyia mambo mengi na ilimaliza kabisa mgogoro huo uliodumu kwa zaidi ya miaka kumi.

Nao baadhi ya waumini wamesema mgogoro umekwisha wanachosubiria ni kibali cha ujenzi ambacho Jiji wanasita kuwapatia kwa muda mrefu hivyo wameamua kufanya usafi kwenye uwanja wao ikiwa ni maandalizi ya ujenzi wa Kanisa.

Mgogoro umedumu kwa zaidi ya miaka kumi ambapo kila upande unadai hilo ni eneo lake Jiji wakidai ni la shule ni eneo oevu halipaswi kujengwa nyumba huku Kanisa likidai eneo ni halali yao.

Rais wa Umoja wa Mabunge Duniani (IPU) Spika wa Bunge la Jamhuri ya Muungano wa Tanzania, Mbunge wa Mbeya Mjini ambaye pia ni Mkurugenzi wa Tulia Trust Mhe. Dkt. Tulia Ackson amekabidhi nyumba Kwa Singwava Jackson mkazi wa mtaa wa ltanji Kata ya Iganjo Jijini Mbeya mjane mwenye watoto sita baada ya kuishi kwenye nyumba ya maturubai Kwa zaidi ya miaka minne. Hafla hiyo imehudhuriwa na viongozi mbalimbali wa Chama Cha Mapinduzi,Seikali,Viongozi wa Dini,viongozi wa Mila na wananchi ambapo Mkuu wa Wilaya ya Mbeya Beno Malisa amemwakilisha Mkuu wa Mkoa wa Mbeya Juma Zuberi Homera.Katika hotuba yake Dkt Tulia amewashukuru…