Browsing: Video Mpya

Naibu Waziri wa Maji Mhe. Mhandisi Maryprisca Mahundi (Mb) amemshukuru Rais wa Jamhuri ya Muungano wa Tanzania Mhe. Samia Suluhu Hassan kwa kuruhusu fedha zitolewe ili kutekeleza mradi huo. Amesema mradi huo ni wa kimkakati na imekuwa ni ndoto ya Muda mrefu ya Wzara ya Maji kuhakikisha inawezesha upatikanaji wa majisafi kwa wananchi wa mikoa nufaika.

#mbeyayetutv

JESHI LA POLISI LAPONGEZWA KWA UPENDO WAO KWA WANANCHI.

Na Mwandishi Wetu Jeshi la Polisi- Dar es salaam

Mkuu wa Gereza Kuu Ukonga Kamishina msaidizi wa Magereza ACP Dkt. Juma Mwaibako amelipongeza Jeshi la Polisi kwa namna ambavyo linashirikisha jamii katika kubaini,kutanzua na kuzuia uhalifu hapa nchini.

Hayo ameyasema wakati anapokea misaada mbalimbali kutoka kwa askari Polisi waliotimiza miaka nane ya utumishi ndani ya Jeshi hilo ambapo amebainisha kuwa Jeshi hilo limebadilika sana kiutendaji ambao unaoendana na mabadiliko ya dunia.

Kwa upande wake mwanafunzi wa kozi ya mkaguzi msaidizi wa Polisi Amosi Mikao amesema wametoa misaada hiyo ikiwa ni sehemu ya shukrani kwa Mwezi Mungu kwa kuwalinda katika kazi zao.

Nae Rosemary Mitula mwanafunzi wa kozi ya mkaguzi msaidizi wa Polisi amesema waliona waungane kulikumbuka kundi hilo ambalo lina mchango pia katika jamii na taifa kwa ujumla kiuchumi kwa kuwasadia vifaa mbalimbali katika gereza kuu la Ukonga lilipo jijini Dar es salaam.

*DKT. TULIA AMUOMBA RAIS SAMIA KUBORESHA MIUNDOMBINU JIJINI MBEYA*

Spika wa Bunge la Jamhuri ya Muungano wa Tanzania ambaye pia ni Mbunge wa Mbeya Mjini Mhe. Dkt. Tulia Ackson, ameiomba Serikali kupitia kwa Rais wa Tanzania Mhe. Dkt. Samia Suluhu Hassan kuboresha barabara chakavu za mitaa ya Jimbo hilo ambazo ni zaidi ya km 400.

Dkt. Tulia ameyasema hayo wakati wa kilele cha Maonesho na sherehe za wakulima nanenane kitaifa yaliyofanyika katika Viwanja vya John Mwakangale Jijini Mbeya leo tarehe 8 Agosti, 2023.

Pamoja na ombi hilo, Dkt. Tulia amemshukuru Rais Dkt. Samia na Serikali yake ya awamu ya sita kwa kufanikisha uboreshwaji wa sekta mbalimbali katika Jiji hilo ikiwemo elimu, afya na zaidi kutoa Shilingi Trilioni 1.1 kwa ajili ya kujenga barabara ya njia nne kutokea Igawa hadi Tunduma yenye urefu wa KM 218.

Kuhusu uwekezaji wa Bandari ya Dar es Salaam, Dkt. Tulia amemueleza Rais Dkt. Samia kwamba Wananchi wa Jiji la Mbeya wamemuagiza amueleze kwamba wameukubali na kuubariki uwekezaji huo wenye maslahi mapana kwa taifa.

Akijibu ombi hilo, Rais Dkt. Samia ameahidi kwenda kujipanga na Serikali yake ili kuona namna ambayo wataweza kufanya maboresho hayo ya barabara za mitaa ya Jiji hilo.