Browsing: Video Mpya

Mbeya. Watu 11 wamefariki dunia na wengine 20 kujeruhiwa katika ajali ya gari iliyotokea leo Septemba 27 wilayani Mbeya mkoani hapa.

Ajali hiyo imetokea eneo la Jojo Kata ya Ilembo wilayani humo ikihusisha gari aina ya Fuso ambayo ilikiwa ikielekea kwenye soko kwa ajili ya mnada.

Mmoja wa mashuhuda katika eneo hilo, Elias Shiwiwi amesema gari hilo kampuni ya Chakazi likiwa limebeba wafanyabiashara kwa ajili ya mnada wa leo, lilikatika propela na kusababisha vifo kadhaa.

“Palepale wamefariki watano, baadaye wengine watano wakafia njiani wakielekea kituo cha afya Ilembo nikiwa naona hadi kufika kituoni hapo” amesema Shiwiwi.

Mganga mkuu wa kituo cha Afya Ilembo, Dk Philimon Irungi amethibitisha kupokea miili ya watu 11 ambapo mwingine mmoja alifariki baada ya kufika kituoni hapo.

“Eneo la tukio walifariki 11, ikatangulia miili sita kisha ikaja mitano na mmoja akafariki wakati akipatiwa matibabu, majeruhi ni 21” amesema Dk Urungi.

#mbeyayetutv

#mbeyayetutv
Spika wa Bunge la Jamhuri ya Muungano wa Tanzania na Rais wa Umoja wa Mabunge Duniani (IPU), Mhe. Dkt. Tulia Ackson, leo tarehe 26 Julai, 2024 amemkabidhi nyumba ya kuishi Mzee Ambalile Mwala ambaye amekuwa akiishi katika mazingira magumu pamoja na familia yake katika Kata ya Ching’anda Mlimba Mkoani Morogoro. Nyumba hiyo imejengwa na taasisi ya Tulia Trust.

Pamoja na hayo, Dkt. Tulia ametoa msaada wa madaftari, kiti mwendo kwa wahitaji na malumalu kwa ajili ya ujenzi wa Kituo cha Polisi Kata ya Ching’anda Halmashauri ya Mlimba Wilaya ya Kilombero Mkoani Morogoro.

#mbeyayetutv

#mbeyayetutv