Mkuu wa Mkoa wa Mbeya Cde: Juma Z. Homera ameitia kizuizini kampuni ya Mbembati inayojihuosisha na ununuzi wa zao la Parachichi wilayani Rungwe kwa kushindwa kuwalipa Wakulima waliomuuzia Matunda ya zao hilo na ameitaka kampuni hiyo kuzilipa Fedha zote ndani ya masaa 48, Laa sivyo itaendelea Kuwekwa kizuizini chini ya Jeshi la Polisi.
Ni Baada ya RC Homera kuendesha Kikao Maalumu kilichowakutanisha Wakulima wa zao la Parachichi, wanunuzi na Wadau wa zao hilo Kutoka Halmashauri ya Rungwe na Busokelo na kukutana na malalamiko makubwa Kutoka kwa Wakulima juu ya kutolipwa Fedha zao Kutoka kwa wanunuzi wa zao la Parachichi.
Aidha amelaani Vikali vitendo hivyo na kuvitaja kama vitendo vya kikatili hasa kwa makampuni ya ununuzi kudhulumu kipato Cha Wakulima wanaotoa Jasho lao kuzipambania familia zao huku wao(wanunuzi) wakiishi Maisha Mazuri.
Makampuni mengine yanayodaiwa na Wakulima ni Pamoja na Monac, Kampuni ya Josia Kakenje,Avo Africa, Kampuni ya Kuza.
Kufuatia hilo RC Homera ameiagiza Taasisi ya Kuzuia na kupambana na Rushwa (TAKUKURU) kwa Kushirikiana na Jeshi la Polisi kuwasaka na kuwakamata wanunuzi wote wanaotuhumiwa na Wakulima ili walete Maelezo haraka ya lini watazilipa Fedha hizo.
