Browsing: Video Mpya

#mbeyayetutv

Mkazi wa Mtaa wa Block “T” uliopo Kata ya Iyela Jijini Mbeya, Austack Mushi, ameomba Serikali ya Mkoa wa Mbeya kuingilia kati na kumsaidia kurejesha mali na fedha zake zenye thamani ya zaidi ya shilingi milioni 100, baada ya kuvamiwa nyumbani kwake na watu wasiojulikana mnamo Septemba 30, mwaka huu.

TAARIFA KWA UMMA

ASHIKILIWA KWA TUHUMA ZA KUMUUA MAMA YAKE WA KAMBO

Jeshi la Polisi Mkoa wa Mbeya linamshikilia Tatizo Yohana Mzumbwe, mkazi wa Masoko mkoani Mbeya kwa tuhuma za mauaji ya mama yake wa kambo aitwaye Merry Yohana [61] aliyekuwa mkazi wa Masoko kwa kumkata na panga kichwani.

Anatuhumiwa kutenda tukio hilo Oktoba 6, 2025 saa 2:00 asubuhi huko katika Kijiji cha Mapinduzi, Kata ya Masoko, Tarafa ya Isangati, Mkoani Mbeya, kwa kumuua Merry Yohana, ambaye pia alikuwa mkazi wa Masoko alikuwa mwenye ualbino.

Kufuatia tukio hilo, Jeshi la Polisi Mkoa wa Mbeya lilianza msako mkali na kufanikiwa kumkamata mtuhumiwa majira ya usiku huko Kijiji cha Mapinduzi, Kata ya Masoko kuhusiana na tukio hilo.

Uchunguzi wa awali umebaini kuwa chanzo cha tukio hilo ni mgogoro wa kifamilia kuhusu mashamba ambapo mtuhumiwa alikuwa akimshinikiza Merry Yohana [ambaye kwa sasa ni marehemu] kugawa mashamba ya urithi yaliyoachwa baada ya baba yake kufariki.

Jeshi la Polisi Mkoa wa Mbeya linatoa wito kwa baadhi ya vijana kuacha tamaa ya kutaka kujipatia mali kwa njia zilizo kinyume na sheria. Uchunguzi unakamilishwa ili hatua nyingine zichukuliwe dhidi ya mtuhumiwa kwa mujibu wa sheria.

Imetolewa na:
Kamanda wa Polisi,
Mkoa wa Mbeya.

Leo kupitia kampeni ya GESI YENTE iliyoandaliwa na Oryx Gas Tanzania, washindi mbalimbali kutoka mkoa wa Mbeya wamekabidhiwa zawadi zao walizojishindia baada ya kushiriki kwenye kampeni hiyo.

Zawadi zilizotolewa ni pamoja na pikipiki, majiko ya gesi, baiskeli, helmeti, kofia, na zawadi nyingine nyingi — zote zikilenga kuwazawadia wateja waaminifu wa Oryx Gas wanaojaza mitungi yao kwa usalama na uhakika.

Kampeni hii maalum ya “Gesi Yente – Mambo ni Yente” ilizinduliwa tarehe 13 Agosti 2025 na itaendelea hadi 13 Oktoba 2025, ikitoa fursa kwa wateja wote wa Oryx Gas kujishindia zawadi kemkem kwa kujaza mitungi yao katika vituo rasmi vya kampuni hiyo.

💬 Oryx Gas Tanzania inawahamasisha wateja wote kuendelea kushiriki kampeni hii kwa kujaza mitungi yao ili nao wapate nafasi ya kujishindia zawadi kabla ya kampeni kumalizika.

🔥 Gesi Yente – Mambo ni Yente!
#OryxGas #GesiYente #MamboNiYente #Mbeya

#mbeyayetutv